Psa 130 | TwiNAK | STEP | Awurade , mifi mʼaba a abu nyinaa mu refrɛ wo.

Psalms 130

Mmoa mpaebɔ

1 Awurade, mifi mʼaba a abu nyinaa mu refrɛ wo.
2 Tie me sufrɛ,
O Awurade; tie me frɛ, na boa me!
3 Sɛ wubu yɛn bɔne ho nkontaa a, anka hena na obeguan atemmu?
4 Nanso wode kyɛ yɛn nti na ɛma yetumi gyina wʼabufuw ano no.
5 Meretwɛn ahopere mu, apɛ Awurade mmoa, na mede me ho to nʼasɛm so.
6 Metwɛn Awurade ahopere so sen ɔwɛmfo a ɔretwɛn adekyee.
7 Israel, fa wo ho to Awurade so efisɛ, ne dɔ wɔ hɔ daa, na bere biara wasiesie ne ho sɛ ɔbɛboa.
8 Obegye ne nkurɔfo,
Israelfo, afi bɔne nyinaa mu.